2023թ-ի սեպտեմբերի 19-ի կեսօրին շրջափակման մեջ գտնվող խաղաղ Արցախը ցնցվեց ադրբեջանական կրակոցներից: 24-ժամյա պատերազմին հաջորդեց Ստեփանակերտի բենզալցակայանի պայթյունն ու արցախցիների բռնի տեղահանումը: Զարիներ չհասցրեց Ասկերանից հասնել Սառնաղբյուր, որ փրկեր երեխաների կյանքը: Անժելան, միակ բանը, որ Ստեփանակերտից բերել է Երևան՝ որդու շիրմաքարն է: «Հիշում եմ քո ձայնը» ֆիլմում ներկայացվում է էթնիկ զտման ենթարկված արցախցների 6 պատմություն, որոնք միահյուսվում են Արցախից տեղահանված Մարտին Ալոյանի միջոցով: Հենց նա է անցնում տեղահանության ճանապարհը: «Հիշում եմ քո ձայնը» Արցախում տեղի ունեցած բռնի տեղահանման մասին պատմող առաջին փաստավավերագրական ֆիլմն է: Այն արդեն ցուցադրվել է ԱՄՆ-ում, Բրազիլիայում՝ Սան Պաուլոյի համալսարանում և Սան Պաուլոյի քաղաքապետարանում, Ֆրանսիայում՝ Փարիզի քաղաքապետի աջակցությամբ:
Երևան , Կինոյի տուն
Կինո
Համերգ
Օպերա և բալետ
Կրկես
Թատրոն
