Ապրիլի 13-ին, ժամը 19:00-ին, Կոմիտասի անվան կամերային երաժշտության տանը տեղի կունենա երգիչ Մավր Մկրտչյանի մենահամերգը։ Այն նախատեսված է Կոմիտասի ստեղծագործությունները և հայկական դասական երաժշտությունը գնահատող հանդիսատեսի համար։
Համերգի ընթացքում կհնչեն Կոմիտասի հոգևոր և աշխարհիկ երգերը՝ բացահայտելով հայկական երաժշտական ժառանգության բազմազանությունն ու խորությունը։ Հանդիսատեսին սպասվում է կենդանի նվագակցությամբ համերգային ծրագիր։
Ելույթ կունենան Հայաստանի պետական կամերային նվագախումբը՝ գեղարվեստական ղեկավար և գլխավոր դիրիժոր Վահագն Պապյանի ղեկավարությամբ, Հայաստանի պետական կամերային երգչախումբը՝ գեղարվեստական ղեկավար և գլխավոր դիրիժոր, ՀՀ ժողովրդական արտիստ Ռոբերտ Մլքեյանի ղեկավարությամբ։ Մասնակցում են նաև դաշնակահարներ Կարեն Անանյանը և Հասմիկ Անտոնյանը, տոմսերի արժեքը՝ 3000-7000 ՀՀ դրամ։
Մինչև 6 տարեկան երեխաների մուտքն արգելվում է։ Տեղեկությունների և տոմսերի համար կարող եք զանգահարել՝ 033 499591։
Կամերային երաժշտության ազգային կենտրոն
ապրիլի 13, Երկուշաբթի, 19:00
Կինո
Համերգ
Օպերա և բալետ
Կրկես
Թատրոն
